Josi Basterretxea
Gorria, urdina eta zuria. Hiru kolore horiekin egin dut topo gaurko argazkian. Frantziako kolore nazionalak dira.
Marine Le Pen hautatu dute Frantziako Front Natinal delako alderdiko buru berri. Jean-Mari Le Pen arrazista ultrakontserbadorearen alaba da, atzodanik, Frantziako eskuin-muturraren gidari berria. Le Penek zuzendu da berrogei urtez Front National delakoa. Eta Le Pen horren alabak egingo du hori hemendik aurrera.
Gorri, urdin eta zurizko banderekin inguraturik, Estatu indartsuaren aldeko hitzak izan ditu Marine Le Penek, hautatua izan berritan. Mundializazioaren aurkako hitzak izan ditu. Bai eta Europaren eta Frantziaren islamizazioaren aurkakoak ere.
Marine Le Penen erretratuak daude Frantziako egunkarietan gaur. Inkestak ere argitaratu dituzte batzuek. Baldin eta gaur egingo balira Frantziako hauteskundeak, Frantziako hirugarren alderdirik bozkatuena izango litzateke alderdi ultraliberala, bozen ehuneko hamaseiarekin.
Frantzia, Frantzia da. Ez da Euskal Herria, ez. Baina, zer pentsatua ematen du alderdi arrazista, xenofobo, homofobo eta liberalaren gorakadak atzerri hain hurbilean.
[audio http://euskalerriairratia.com/wp-content/uploads/2011/01/joxi-bazterretxea-urt-17-mp31.mp3]