Fermin Erbiti
Agintarien zeregin nagusienetakoa gastuen lehentasuna finkatzea da, are gehiago hau bezalako krisi garai batean. Lehentasuna nola finkatzen den, hor dago koxka. Adibide bat jar dezagun: Unibertsitate Publikoak ez zuen Tuteran ikastetxerik egiteko asmorik, hemengoa sendotu nahiago zuelako. Gobernuak eta Parlamentuak, ordea, ikastetxea martxan jartzera behartu zuten. Ez hura inbertsio egokia zelako, baizik eta botu bila ari zirelako hegoaldeko herri handietan. Ahopeka, hura zentzurik gabeko inbertsioa zela esaten zuten; Parlamentuan, ordea, ezinbestekotzat jotzen zuten. Garai hartan, ez zen aurkako iritzirik aditu, inor ez zen ausartu ergelkeria salatzera, ezta oso botu gutxi zutenak ere.
Atzo, Parlamentuan, talde guztiek, aho batez, Tuterako unibertsitate-eskaintza handitzeko mozio bat aurkeztu zuten. Hauteskundeak datoz, Erriberako gaia berriro ere. Ez da aurkako iritzirik entzun, inork ez duelako boturik galdu nahi, inork ez diolako gizarteari azaldu nahi zer den politikarien erantzukizuna. Seguru asko, lezioa ikasi gabe dutelako.
deskargatu[audio http://euskalerriairratia.com/wp-content/uploads/2010/11/erbiti-az-161.mp3]