Aingeru Epaltza
Errepublikarrak hauteskundeetan gailen. Tamalez, estatu espainiarrean ez, Estatu Batuetan baizik. Inkestek beti arrazoia izaten dute albiste txarra iragartzen dutenean. Estatu Batuetan errepublikarrek demokratei sekulako pasada emanen zietela iragarri, eta halaxe gertatu da: errepublikarrak nagusi eta Tea Party-ko eskuin muturrekoak aitzina.
Obama lehendakariak arazoak izanen ditu gelditzen zaizkion bi urteetan, eta munduak ere bai segur aski. Urrun dira Estatu Batuak, baina Europan ere indarra irabazten ari dira balio tradizional direlakoen, xenofobiaren eta ongizate estatuaren suntsipenaren apostoluak.
Ezkerra, bitartean, biolina jotzen. Urrun dira Estatu Batuak, baina hemen ere kezkatu beharko genuke. Baietz patxaran-party bat ikusi, hemendik labur.