Josi Basterretxea
Euskararen irria ikusi dut argazkian. Euskaren poza. Euskararen festa. Atarrabiakoa handia izan baita igande honetan. Zuek nik baino hobeki dakizuen moduan, oso beretzat hartzen du nafar gizartearen zati handi batek euskara, lingua navarrorum delakoa. Tamalez, ez da horrela hartua Foru Erkidegoko erakunde publiko nagusietan.
Sistematikoa da euskararen aurkako erasoa Euskal Herri osoko bazter anitzetan. Administrazio publiko zenbaitzuk areriotzat dute hizkuntza bat. Ez da ideologia bat konbatitzen dutena, da kultura bat konbatitzen dutena. Bereziki, gordina da Nafarroan erasoa.
Nafarroako Foru Erkidegoan, euskararen aurkako jasa, ekaitz eta haizetean, handia da joaldunen adarkada. Halere, adarkada horiek ez dute desitxuratuko igandeko festa. Ezta festaren izpiritua bera ere.
Euskaldunok badakigu bizitzen antivasco eta antieuskaldun horiek gabe.
Zoriona Nafarroari. Eta zoriona euskarari.