Josu Jimenez Maia
Idries Shah idazlearen Derbitxeen ipuinak izeneko liburutik atera eta moldatu dut ipuin labur bat: Gramatikaria eta derbitxea du izena.
Aspaldi-aspaldian, gau ilun batean, derbitxe bat putzu baten ondotik pasa zen, eta putzu barrutik zetorren oihu bat aditu zuen. Putzu barrurantz begiratuta, galdetu zuen: “Inor al da hor?”
“Gramatikari bat naiz eta, tamalez, putzu sakon honetan hanka sartuta, erori egin naiz. Horregatik orain ezin naiteke mugi”, erantzun zuen besteak.
“Eutxi, lagun, noa eta eskilera baten eta soka baten topatzen badut”, esan zuen derbitxeak.
“Zaude une bat, mesedez!” -esan zuen gramatikariak- “Hanka sartu duzu eta zure esaldia ez da zuzena, ez da gramatikala, hobe zenuke esaldia zuzendu”.
Orduan derbitxeak erantzun zion: “Hori funtsezkoa dena baino askoz inportanteago bada zurentzat, hobeto da zuk zauden lekutan segitzea, ni zuzen hitz egiten ikasi arte”.
Eta bere bideari jarraitu zion derbitxeak. Harrezkero gramatikariaren berririk inork ez du izan.
Euskaldun batzuk, hanka sartzeko beldurrez, ez dira egunerokoan euskaraz mintzatzen. Hori dute galbidea, gramatikariaren galbidea.
[audio http://euskalerriairratia.com/wp-content/uploads/2010/05/josu-jimenez-mai.mp3]