Pamiela argitaletxeak haren aldizkari digitalaren, e-Pamiela Hitza-ren bigarren alea sareratu berri du. Duela zenbait urte, 90.eko hamarkadako erdialdean, Hitza aldizkaria sortu zuten Pamiela Etxekoek, haien lana ezagutzera emateko. Agerkari horren bost ale karrikaratu zituzten. Iaz, argitalpena berpiztu zuten, baina papera bazterrean utzirik, euskarri digitalean. Bigarren ale honetan, maketazio ikusgarriaz gain, Joxemiel Bidador zenari buruzko lau testu eder aurki daitezke, hurrenez hurren, Jose Angel Irigaraik, Roldan Jimenok, Kike Diez de Ultzurrunek eta Santi Leonek sinaturik.