Iragarri duenez, Batzarrek ahal duen guztia eginen du koalizioak aurrera egin dezan
"NaBain adostasuna ezinezkoa da Aralarrek eta Eusko Alkartasunak beto eskubidea badute, eta adostasuna lantzea ezinbestekoa da koalizioak haren jatorrizko izaera irekiari eutsi diezaion". Hala mintzatu da Batzarreko eledun eta foru parlamentari Joseba Ezeolaza gure mikrofonoen aurrean, Aralarrek eta EAk Nafarroa Bairi buruz lotu duten akordioaren inguruan. Azken orduotan argitaraturiko filtrazioen arabera, akordio horrek zehazten du Aralarrek eta EAk koalizioaren barruko erabakiguneetan ordezkaritzaren %75 izanen dutela. Ezeolazaren irudikoz, bi alderdiok "gonbidatu mutu" bezala tratatu dituzte koalizioko NaBaiko gainontzeko kideak. "Hautes zerrendetan proportzionalitatea errespetatzen da, eta horren alde gaude, baina barruko erabakiguneetan paritatea ezinbestekoa da pluraltasunari eusteko", gaineratu du.
[audio http://euskalerriairratia.com/wp-content/uploads/2010/05/josebaezeolaza1.mp3]
Iragarri duenez, aste hau "erabakigarria izanen da Nafarroa Bairen etorkizunarentzat": batetik, EAJren NBBak bihar aztertuko du Aralarren eta EAren arteko akordioa; bestetik, Batzarrek asteazkenean jakinaraziko du zer erabaki hartu dituzten haien militanteek koalizioaren etorkizunari buruz egindako bilkuretan. Edonola ere, Eceolazak aurreratu du Batzarrek ahal duen guztia eginen duela "NaBaik aurrera egin dezan haren jatorrizko izaera irekiari eutsiz".