Aspaldiko gatazkarik gordinenaren muinean sartzera ausartu da Berriako kazetari eta Euskalerria Irratiko kolaboratzaile Iñigo Astiz. Perez Reverte bailitzan... Ze Perez Reverte eta zer Perez Reverteondo! Mikel Reparaz, Mikel Aiestaran edo Urtzi Urritkoetxea bailitzan, haiek bezain ausart, albistearen atzetik, informazioaren gibeletik, Infernuraino joan da: gipuzkoarrez beteriko Nafarroako Ibilgailuen Azterketa Teknikorako zentroetako batean izan da. Gipuzkoan zentro horiek greban dira. Milaka auto gipuzkoar gurera datoz. Azkenaldian Diario de Navarrak birritan zabaldu du auto gidari gipuzkoarren inbasioarekin. Diario Vascok ere luze eta zabal jorratu gaia. Astizek, zorionez, bizirik itzultzea lortu du, eta haren esperientzia kontatu digu, larunbatean, Berriaren azken orrialdean, kronika argitaratu aurretik.
[audio http://euskalerriairratia.files.wordpress.com/2010/03/inigoastiz201032.mp3]