Entzungarriak, zinez, Presidentetza, Barne eta Justizia kontseilari Javier Caballerok atzo Foru Parlamentuan egindako adierazpenak, Nafarroako Gobernuak irrati lizentziaren auzian egindako lanaz mintzatzeko tenorean. "Deinformazioa", "tergibertsazioa" -Elhuyarren arabera, desitxuraketa-, "prebarikazioa" eta "hatza" aipatu zituen. Hitzak hautatzeko tenorean, bete betean asmatu zuelakoan gaude. Gure uste beti apalean, ñabardura bakarrean, hitz ñimiño batean besterik ez zuen huts egin. "Gobernuak eginen ez duena izanen da..." esan zeularik "ez" hori legoke sobran. Lapsusa, subkonszientea ote halako lexikoaren hautapenaren eragilea? Eguna bizkor hasi nahi baduzu, entzun haren hitzak, edozein euskaldun -euskaradun- pizteko modukoak dira eta.
[audio http://euskalerriairratia.files.wordpress.com/2010/02/caballero2010225.mp3]
