Euskalerria Irratian lan egiteak eskaintzen dituen plazer ugarietako bat, noizean behin zuzen-zuzenean gozatu ahal izatea Iruñeko Orfeoiko zuzendari Igor Ijurrak gurean eskaintzen dituen musika klasikoari buruzko maisu lezioak. Hori da hori jakinduria, pasioa, komunikatzeko gaitasuna. Berak azalduta, musika klasikoarekin ez ezik Manolo Escobarrenarekin ere zaletu gintezke. Aste honetan, Ijurra Robert Schumann musikariaz mintzatu zaigu, haren jaiotzaren bigarren mendeurrena ospatzen ari den honetan. Gaztetik musikaren asko arrakastaz jorratu zituen Schumannek: piano musika, lied, musika korala, musika sinfonikoa... Ijurrak haren lau abesti ekarri dizkigu eta, bidenabar, erromantizismo musikalaren ezaugarriak azaldu: ilustrazio eta klasizismoaren aurkako erreakzioa izan zen eta arte guztietan izan zuen eragina.
[audio http://euskalerriairratia.files.wordpress.com/2010/02/igorijurra201023.mp3]
Irudia: Iruñeko Orfeoia