San Blas eguna Iruñean. Prozesioa, San Nicolas elizatik abiaturik, goizeko hamarretan. San Nicolas plazan bertan, hainbat postu. Haietan salgai, gorri koloreko gozokiak eta San Blas opilak, goitik azukre geruza zuri eta gogorra dutenak. Horrekin guztiarekin oroitu da Oscar Brako irratiko komertziala gaurko goiz eguzkitsuan, gure terrazatik ipar-mendebalderantz, Sakana eta Etxauri alderantz begira. Inguruko mendietako gailurrak, Txurregi, Gaztelu, Sarbil, Eltxuko kaskoak, elurturik ikusi ditu, zuri-zuri, eta San Blas eguneko opil erraldoiak ziruditela bururatu zaio. Azukreztaturiko mendion argazkia hartu eta, San Blas eguneko opari moduan, hona igo dugu, plis-plas.
Irudia: Olagarroa