"Nafarroan CCOOk, UGTk, CENek eta Gobernuak sinaturiko lau enplegu planen porrota uzten dute agerian gaur ezaguturiko langabezia datuek". Hala adierazi du LABeko Nafarroako koordinatzaile Igor Arroiok Euskalerria Irratian. Arroioren arabera, "bizi dugun egoera lotsagarria da" eta "krisia, beti bezala, langileei ordainarazi nahi diete". INEMen datuen arabera, urtarrilean 2.625 langilek galdu dute haien lanpostua Foru Erkidegoan, eta jada 43.278 dira lanik gabe daudenak. Bestalde, ELAko Nafarroako koordinatzaile Mitxel Lakuntzak, erretiroa 67 urtera arte atzeratzeaz, esan du pentsioak ez daudela arriskuan, eztabaida "faltsua eta interesatua" dela, "bankuek eta enpresariek bultzatua". Arroio eta Lakuntzarekin mintzatu da Oihane Arangoa lankidea.
[audio http://euskalerriairratia.files.wordpress.com/2010/02/langabezia.mp3]