Osasunak 3-0 galdu zuen atzo Santanderko Racingen aurka eta Kopatik kanpo geratu da. Partida aspergarria. Emaitza kaskarra. Itxaropen zapuztua. Panorama beltz horretan guztian argi izpi bakarra, gure kontakizunean gertaturiko fenomeno paranormala.Bigarren zatiko 27. minutuan Juan Kruz Lakasta kontakizuna egiten ari zen. Canalesek falta atera behar zuen. Racingeko jokalari gazteak jaurti aurretik Euskalerria Irratiko esatariak iragarri zuen baloia eskuadrara bidaliko zuela, telebista albistegi guztietan agertzeko. Eta halaxe gertatu zen. Partidaren kronika osoagoa, Legardak Berrian. Irudian, gure irratiko kirol taldeko beste kide bat, Aritz Ibañez, baloian etorkizuna irakurtzen.
[audio http://euskalerriairratia.files.wordpress.com/2010/01/kanalesgola.mp3]
Irudia: Aritz Ibañez