Irudi bakarra, hiru mezu ezberdin. Bistan da irudiak manipulatzea arrunt erraza dela. Ez dago photoshop-en beharrik. Irudia bera moztearekin aski izan daiteke. Mangas Verdes blogean ikusi dugu collagea. Eta zer pentsa eman digu. Besteak beste, azkenaldian zenbait irudi-muntaia egiten ari garelako. Batez ere, Haititik norabide bateko zein besteko mezuak helarazten dizkiguten argazkiak iristen ari zaizkigulako. Erralitateak baditu milaka aurpegi, eta batzuek zein bestetzuek gehien interesatzen zaiena erakusten digute. Beraz, ezin zaitezke ez batzuekin ez bestetzuekin fidatu. Ezta, jakina, gurekin ere: soinu grabazioak manipulatzea irudiak manipulatzea baino askoz errazagoa da. Kasu.