"ETAren agirian badira hainbat eduki berri, ETAk aurretik esan eta idatzi gabeak". Hala adierazi du gaur Mikel Aramendi kazetariak Pasahitza saioan, eta gaineratu du bestelakorik dioena agiriaren edukiaren arabera bainoago bere interesen arabera ari dela. Eduki berrion artean nabarmenena kazetari donostiarraren aburuz, ETAk aitortzen duela ez dela bera izango Euskal Herriaren askatasuna erdietsiko duena, baizik eta herria bera. Lerroon azpiko grabazioan, hurrenez hurren, Xanti Kirogaren, Maiorga Ramirezen eta Aramendiren beraren balorazioak.
[audio http://euskalerriairratia.files.wordpress.com/2010/01/kiroga-ramirez-aramendi2010118.mp3]
Nafarroa Baiko parlamentari eta EAko Nafarroako presidente Maiorga Ramirezek gure albistegietan bertan esan du haren koalizioak ez diola nortasun politikorik aitortzen ETAri. Hori dela kausa, espero duten agiri bakarra haren amaiera iragartzen duena ei da. Ezker abertzaleko hautetsi Xanti Kirogak, berriz, nabarmendu du ETAk gatazka konpontzeko borondatea adierazi duela.