Zoritxarrez, Euskalerria Irratia ez da Nafarroan arazoak dituen komunikabide euskaldun bakarra. Gure nortasun propio eta bereiziko foru erkidego honetan, egoera gero eta itogarriagoa da euskaraz dihardugun komunikabideentzat. Sakanako Guaixe astekaria eta Beleixe irratia kinka larrian dira. Horren eragileak, krisi ekonomikoa eta, batez ere, Nafarroako Gobernuak iragarritako diru laguntzak bertan behera utzi izana. Ataka estua gainditu ahal izateko, dirua biltzeko kanpaina jarri dute abian. Goiburua: sakandar 1, euro 1: 20.000 baietz! Berria Telebistako lagunek horren inguruko bideo interesgarria prestatu dute.