Nafarroako Gobernuaren bilera izan da gaur protagonista Iruñerrian Gaur. Hartu dituzten erabakiak eta hartu ez dituztenak. Izan ere, aurrekontu proiektua aurkeztekotan dira, epe muga gainditua dutelako, baina, ostiralerako utzi dute aurre proiektuaren aurkezpena. Gaur, Gobernuko eleduna Juan Luis Sanchez de Muniain aditu dugu UPNren eta PSNren arteko tira-biraz. Bestelakoetan, Metropoli Foraleko solasaldi politikotik atera ditugu oposizioko alderdien hitzak: langabeziaz mintzatu dira, SICAVez eta UPNren eta PSNren arteko harreman haustruraz. Etxe kaleratzeen gaia ere izan da gaur albiste. Sanduzelai auzoan bi etxe okupatu dituzte, hutsik daudelako duela hamabost urte eta Hipotekek Kalteturikoen Plataformak uste du, onartezina dela etxebizitzak hutsik dauden bitartean, jendea etxerik gabe gelditzea.
