Aingeru Zudaire poliziaren indarkeria ondorioz kaltetutakoen zerrendako azken izan dadila. Horixe da Ojo justizia plataformaren xedea. 2012ko iraileko greba orokorrean jaso zuen gazteak pilotakada, eta horrek hauspotu du herrian bertan polizia ereduaren inguruko hausnarketak indarra hartzea.
Hala, batetik, "justizia" galdegin dute Zudairerentzat, bai eta kasua argitzea ere; bestetik, poliziak herritarren kontra "arma hilgarriak" ez erabiltzea.
Aldarrikapenak egikaritzeko bidean, mozioa aurkeztu zuten Atarrabian, Zizurren, Elortzeko bailan, Antsoainen, Burlatan eta Uharten, eta EH Bilduko, Geroa Baiko, Ezkerrako eta PSNko taldeen babesarekin aurrera egin zuen.
Horrez gain, herritarrei dei egin diete, hilaren 12an Atarrabian bertan eginen duten giza-katean parte hartzeko.