Neurria biharko osoko bilkuran adostea da litekeena.
Etxebizitza eta gizarte zerbitzuetan dauzkan eskumenak aprobetxatuz ekidinen dituzte kaleratzeak. Halaber, inmobiliariei eta banketxeei eskatuko die "berehala" bertan behera uzteko lehen etxebizitza kentzeko prozesuak. Era berean, "etxebizitza bermatzeko neurriak" hartuko dituzte.
Txirotasun energetikoa ere izan du hizpide udalak: enpresek "geroz eta gehiago" irabazten duten bitartean, etxe askok energia gabezia dutela salatu du.
Protokoloak udalaren jabetzan dauden higiezinen %2 bideratuko ditu behar larrian daudenen egoera bideratzeko. Bigarrenik, Etxebizitza Bulegoa sortuko du. Horrez gain, udalak kreditu entitateekin elkarlana bideratuko du euren etxebizitza erreserba alokairuan atera dezaten. Amaitzeko, etxekaleratzeen kontrako mobilizazioekin bat eginen du.
Hala, "etxekaleratzerik gabeko herri" bilakatu nahi dute Uharte.
