Liburu-aurkezpena

18:00

Anastasini zirkua

Anastasini zirkua ondu dute Miren Amuriza idazleak eta Malen Amenabar ilustratzaileak. 1936ko uztailean iritsi zen Anastasini zirkua Lodosara. Jatorriz italiarrak ziren arren, Afrikako iparraldetik sartu ziren penintsulan gora, eta bertakoak ziren, Ceutakoak, konpainiarekin zihoazen laguntzaileetako asko. Emankizun bakarra eskaini zuten; zirkuko kide gehienak fusilatu zituzten eta beren material eta animalia guztiak geratu ziren bertan behera. Arratsaldeko 18:00etan IKA Arturo Campion Euskaltegian aurkeztuko dute liburua eta 19:30ean Karrikirin.

19:00

'Coca-cola bat zurekin', liburu aurkezpena

'Coca-cola bat zurekin' liburuaren aurkezpena, Laban, arratsaldeko 19:00etan. Beñat Sarasola idazleak eta Uxue Rey kazetariak coca-cola baten bueltan egingo dute aurkezpena.

19:30

Zapalduon pedagogia edo nola libre hazi, hezi, bizi

Ane Ablanedok Zapalduon pedagogia edo nola libre hazi, hezi, bizi liburua idatzi du. Bilduma honetan, Aneren artikulu guztiak dira askatasunaren aldeko deia, edota askapenerako aldarri, eta denek luzatzen dute iraultza txiki edo handietarako gonbite inplizito edo esplizitoa. Eneko Bidaginek idatzi du hitzaurrea eta Xamarrekin batera egingo du aurkezpena Ablanedok. Arratsaldeko 19:30ean Karrikirin.

19:00

'Ahizpa beltza' liburuaren aurkezpena

Iosune de Goñi Garciak Ahizpa beltza liburua aurkeztuko du Katakraken, arratsaldeko 19:00etan. Ahizpa beltza barruan daramagun itzalari buruzko hausnarketa poetikoa da. Natura eta mitologiarekin lotutako iruditeria erabiliz, gordintasuna eta lirismoaren bidegurutzean, Iosune de Goñik bere lehen poema-liburua idatzi du.