Larunbata, urriak 19

10:00

Sanduzelaiko Zubiak lasterketa

Sanduzelaiko Zubiak lasterketa herrikoia antolatu dute Auzoak elkarteak eta Sanduzelaiko Kultur Koordinakundeak. Txikiek doan parte hartu dezakete, 3-13 urte bitartean badituzte, eta 10:50ean abiatuko da lasterketa. Helduena berriz, 10:00etan. O parkean hasiko da 5,5 kilometro luzeko lasterketa eta girotzeko erraldoiak, musika, zozketak eta aurpegi-margoketa izango dira. Eman izena.

18:00

Txantreako antzerki zikloa: 'Markelen maleta'

Txantreako Jai Batzordeak antzerki zikloa antolatu du lau emanaldirekin. Horietako bat familiendako Markelen maleta izango da. Arratsaldeko 18:00etan izango da obra, Salestarretan, eta sarrera doakoa da.

20:00

Mielotxin folk taldearen 20. urteurrena

Bi hamarkadatan zehar egindako ibilbideari omenaldi egin nahi diote oholtza gainean, kontzertu berezi batekin. Dantzariak, txistulariak, txalapartariak eta askotariko artistak izango dira emanaldian, urriaren 19an, 20:00etan. Sarrerak dagoeneko eskuratu daitezke.