Komiki Azokaren baitan, Egun bat Beti Berdin tabernan komikia aurkeztuko du Asier Iturralde Gastonek. Beti Berdin tabernan urteetan zehar sortutako pertsonaiak eta pasarteak biltzen ditu. Taberna baten egunerokotasuna, istorio txiki autobukatuetan kontatua, beti umorez eta zinismo ukitu batekin. Arratsaldeko 19:00etan, Laban, Mikel Begoñak moderatuta.
Irailaren 6tik 29ra izango da XV. Nafarroako Komiki Azoka. Gainera, Nafarroako Komiki Aretoak haren 15 urtemuga ospatuko du sorpresaz beteriko edizioarekin. Hamarnaka jarduera izanen dira ekimen honetan, publiko guztientzat: mahai-inguruak, tailerrak, bisita gidatuak, zuzeneko sorkuntzak, topaketak artistekin, liburu-sinatzeak, erakusleihoak, auto-edizio eta bigarren eskuko azokak… Programa 12 erakusketekin osatzen da. Kontsultatu hemen egitarau osoa.