Osteguna, otsailak 8

19:00

Karkarkar Stand Up Probalekua

Karkarkaren Stand Up Probalekuak Donostiatik mundu zabalera egin du salto, eta lehen geltokia, nola ez, Iruñean egingo du, Laban, zehazki.  Asier K gidari dela bost izango dira beraien testuak jendaurrean probatuko dituztenak: Ane Lindane, Xabier Arraztoa, Divina Comedia, Beñat Iturbe eta Maialen Sorzabalbere. Barreak ez daude ziurtatuta, baina eskertuko ditugu.  Sarrera 5 euroan.

19:30

Zaldiko Maldikoren irakurle taldea: 'Atsoa'

Zaldiko Maldikoren irakurle taldean Victor Cataláren Atsoa eleberria izango dute hizipide;  Sagastibeltza ezizeneko egileak sinatzen du itzulpena. Arratsaldeko 19:30ean hasiko da saioa. Antologia honek Víctor Català idazlearen narratiban bidaia bat proposatzen du, mende erdi batean idatzitako hamar ipuinen bitartez. Modu kronologikoan aurkeztuak dira, eta idazleak bere bizian argitaraturiko lehen eta azken ipuinek -biak ala biak hemen jasoak- zirkulua ixten dute: aita ezezagun eta ama kementsu baten kumea dute protagonista, bizi den ingurunean bere lekua egin nahian borrokan dabilena. 

19:00

21:00

'Lumineszenteak' erakusketa

Igone Mariezkurrena kazetariaren eta Irantzu Pastor argazkilariaren proiektua da Lumineszenteak. Burlatako Kultur Etxean egongo da ikusgai otsailaren 8tik 28ra bitartean, eta gaur, 8an, egileek egingo dute aurkezpena.