19:30

'Arizona'

Txalo Produkzioak ekoiztetxearen azken lana da Arizona. Aitziber Garmendia eta Jon Plazaola dira obraren protagonistak eta George eta Margareten papera antzezten dute. Beren mugak defendatu behar dituzte. Bizilagunak hor daude, zelatan, ahalik eta deskuidurik handienean gurutzatzeko zain. Baina, Margaret galdera gehiegi egiten hasten denean, komedia musikala, bere bizitza zena, tragedia basati bihurtzen da. Arizona hemen dago, Pausuan, Melillan, gure hiri bakoitzean. Arratsaldeko 19:30ean, Atarrabiako Kultur Etxean, sarrerak bost euroan.

19:00

Irriziklo: Flop Kultura

Eneko Garcia eta Danel Pascual ordu betez beren ikuspuntua emango dute aktualitateko zein pop kulturako hainbat alderdiren inguruan. Modu umoretsu eta arinean arituko dira zuzeneko Flop Kultura podcastaren saio honetan ere. Arratsaldeko 19:00etan Nafarroako Antzerki Eskolan.

20:00

Leihotikan

Leihotikan taldeak 30 urteak ospatuko ditu Iruñeko Indara aretoko oholtza gainean. Sodade taldearekin batera izango dira kontzertuan. Arratsaldeko 20:00etan hasiko da eta sarrerak hamabi euroan eskuratu daitezke.

20:00

'ARTEA' antzezlana

Antzerkiaren Nazioarteko Egunaren kontura Gaiarren antZokian 'ARTEA' taularatuko dute. Airean jar dezake artelan batek adiskidetasun harreman bat? Yasmina Reza frantses dramagilearen (Paris, 1959) komedia entzutetsu honetan, pintura eztabaidagarri batek laguntasunaren oinarriak astinduko ditu. Ramon Agirre, Joseba Apaolaza eta Asier Hormaza izango dira oholtza gaineko protagonistak.

19:30

Delirium tremens eta Apotheke

Delirium Tremens taldeak Totem aretoan joko du, arratsaldeko 19:30ean. Oholtza gainean bidelagun Apotheke taldea izango da. Sarrerak aldez aurretik 15€ eta bertan 18.

20:00

TOC eta Tatxers

TOC taldeak Jainkoak hiltea zor kaleratu du berriki eta diskoaren aurkezpen biran Iruñean izango da laukotea. Tatxers taldearekin batera igoko dira Totemeko oholtzara. Arratsaldeko 20:00etan.

20:00

Olaia Inziarte 'eman abisua' bira

Olaia Inziarte eman abisua abestiarekin itzuliko da oholtzara. Bere bigarren lan luzeko aurrerapena izan da eta harekin batera bira txiki bat iragarri du. Arratsaldeko 20:00etan, Zentralen. Sarrerak hamabost euroren truke.