18:00

'MUR MUR' liburuaren aurkezpena

Ane Labakak idatzi eta Raquel Samitierrek ilustratu du MUR MUR. Aurkezpen bikoitza egingo dute. Artozkiri buruz dihardu irratiak, eta Iratiri zerbait printzatu zaio barruan. Gora eta gora egin du ur mailak, ustekabean. Arraildu dira urtegiaren hormak. Memoria ariketa sentitu bat da honakoa; ama baten isiltasunaz eta alaba baten esanezinez osatua. Arratsaldeko 18:00etan IKA Campion euskaltegian eta 19:30ean Karrikirin.

18:00

Hikastaroa, hika ikastaroa

Txantreako Euskaldunon Biltokik hika ikasteko ikastaro praktikoa antolatu du. Fernando Rey izanen da irakasle, asteartero, urtarrilaren 14tik 28ra eta otsailaren 11tik 25era. 12 ordu izanen dira guztira, 18:00-20:00 ordutegian eta ikastaroak 40 euroko prezioa du. 699612124 telefonoan eman daiteke izena.

17:00

Ipuin kontaketa musikatua: 'Itsasoko sekretuak'

Ameli eta Xirrikituen Jostunaren eskutik kontaketa musikatua antolatu dute: Itsasoko sekretuak. Zizur Nagusiko Erreniega liburutegian, arratsaldeko 17:00 eta 18:00etan.

19:00

Iruñeko historia bertsotan

Bertso saio historikoa antolatu dute aurtengo Bertsoaroan. Joseba Asiron Iruñeko alkate eta historialariak parte hartuko du saioan, Ainhoa Larretxeak jarriko dizkie gaiak, eta Saioa Alkaiza eta Sustrai Colina izango dira bertsotan. Arratsaldeko 19:00etan, Nafarroako Antzerki Eskolan.

19:30

Irakurle taldea: 'Gurpilak'

Zaldiko Maldikoko irakurle taldeak Eztizen Artolaren Gurpilak izango du mintzagai. Arratsaldeko 19:30ean, elkartean. Ume motxiladun baten bizipenak jaso ditu Artolak. Autoa, haurra, bidaia. Zenbat falta da? Nola azaldu distantzia ume gosetu, nekatu, urduri bati. Nola neurtu denbora? Zenbat abesti, zenbat urtebetetze, zenbat herri-izen kabitzen dira espetxealdi batean? Kartzelara bisitan joatea ohitura baino gehiago bizimolde duen haur bat, gero nerabe, gero gazte.

19:30

Zuzi Iraxegia. Euskal emakume idazleak eta literatura klasikoa

Aspalditik kontatu izan dizkiogu elkarri kontuak, eta aspalditik kantatu izan dugu elkarrekin. Lehen kantari eta kontalarien artean emakumeak zeuden, beti egon izan dira emakume idazleak. Orduan, zergatik ez zaigu ia haien berririk heldu? Zuzi Iraxegia. Euskal emakume idazleak eta literatura klasikoa liburua idatzi du Amaia Alvarez Uriak eta Inma Erreak aurkeztuko du. Arratsaldeko 19:30ean Karrikirin.

19:00

'Sentsazioak' magia ikuskizuna

Hodei magoak sentsazioak izeneko magia ikuskizuna eskainiko die lau urtetik gorako txikiei. Arratsaldeko 18:00etan Atarrabiako Kultur Etxean.

19:30

Kepa Anabitarte. Bizitza bat herriari eskainia

Kepa Anabitarte (Pasaia, 1934) Euskal Herriaren askatasun egarriak mugitu du bizitza osoan. Familia euskaldun eta abertzale batean sortu zen Trintxerpe auzoan, langileen borroken eta zapalkuntza gogorraren testuinguruan. Gazte-gaztetatik ohartu zen Euskal Herriaren menderakuntzaz, eta berehala hartu zituen ardurak, herriaren askapena helburu. Eneko Bidegainek bere bizitza Kepa Anabitarte. Bizitza bat herriari eskainia liburuan jaso du. Naroa Anabitartek aurkeztuko du liburua Bidegainekin batera arratsaldeko 19:30ean Karrikirin.

18:00

Hikastaroa, hika ikastaroa

Txantreako Euskaldunon Biltokik hika ikasteko ikastaro praktikoa antolatu du. Fernando Rey izanen da irakasle, asteartero, urtarrilaren 14tik 28ra eta otsailaren 11tik 25era. 12 ordu izanen dira guztira, 18:00-20:00 ordutegian eta ikastaroak 40 euroko prezioa du. 699612124 telefonoan eman daiteke izena.

19:00

Brigade Loco, Kaleko Urdangak eta Azken Sustraiak

Brigade Loco, Kaleko Urdangak eta Azken Sustraiak batera izango dira Totemeko kontzertuan. Brigade Loco tadeak Bide baten esanahia lana kaleratu du berriki eta lanaren aurkezpen biran, Iruñeko kontzertuan, beste bi taldeak izango ditu bidelagun.

18:00

IzAdi

IzAdi natura da euskaraz; oda bat da zentzumenen munduari, paisaia soinudun bat eta zentzumenezko bidaia bat gorputzaren hizkuntza primitiboaren bidez. Mugimenduz, kolorez, soinuz eta ehunduraz betetako eta arima ferekatzen duten olerki bisual laburrak ikusiko ditugu bata bestearen atzetik. Urte batetik seira bitarteko haurrentzat, arratsaldeko 18:00etan Zizur Nagusiko Kultur Etxean.

18:00

Hikastaroa, hika ikastaroa

Txantreako Euskaldunon Biltokik hika ikasteko ikastaro praktikoa antolatu du. Fernando Rey izanen da irakasle, asteartero, urtarrilaren 14tik 28ra eta otsailaren 11tik 25era. 12 ordu izanen dira guztira, 18:00-20:00 ordutegian eta ikastaroak 40 euroko prezioa du. 699612124 telefonoan eman daiteke izena.