Nafarroan mila langile baino gehiago dira nekazaritza eta abeltzaintza lanetan. Etorkinak dira asko eta lan baldintza muturrekoekin zebiltzan zenbait: abusuak pairatzen zituzten, soldata baxuak eta prekarietatea.
Sektore hitzarmenak mila langileri baino gehiagori eragiten die. Asko etorkinak dira eta lan baldintzak muturrekoak ziren zenbaitetan: abusuzko egoerak, prekarietatea eta soldata baxuak. Egoera hori iraultzen hasteko bidea izanen da erdietsitakoa: "Harri sendo bat jarri dugu lan baldintza duinak izan ditzaten langile horiek", azaldu du Berta Garcia LAB sindikatuko ordezkariak. Hitzarmenak soldata igoerak jasoko ditu; KPIaren araberakoak izanen dira, igande zein jai egunetan lan egiteagatik diru gehiago jasoko dute, lanaldiaren kontrolerako zorroztasuna jaso dute, lanik gabeko egunetan langabezia kobratzeko eskubidea ere bai badakar hitzarmenak. "Langile gehienak etorkinak direlako hitzarmenak jaso du euren herrialdetara bidaiatzeko aukera ere izanen dutela euren senideak zaindu ahal izateko", azaldu du Garciak.
Lan taldeak sortuko dira orain hotz eta bero handia egiten duenean nola jardun aztertzeko. LAB sindikatua lortutakoarekin kontent azaldu da. Lan baldintzetan aurrera egitea erdietsi delako pozik eta balioan jarri du langileek egindako lana zein kalean egindako mobilizazioa.