Nafarroaren pobrezia eta desberdinkeria zenbaterainokoa den aztertu du Nafarroako Gobernuak urtero egiten duen txostenaren bitartez. Zapigarren txosten horretan Nafarroako Erriberaren eta iparraldeko herrien artean alde nabarmenak uzten ditu agerian. "Arrakalak nabarmenki bi zatitan uzten du Nafarroa: iparraldea eta hegoaldea. Aranguren bailararen pobrezia tasa %8,9koa da, aldiz. Fiteron %44ko", jaso du. Iruñerrian daude pobrezia tasarik txikiena duten hamar herriak: Aranguren, Galar, Iza Zendea, Zizur, Esteribar, Olza Zendea, Zabalza, Bidaurreta, Etxarri eta Ziriza. Pobrezia tasa herri horietan %10ekoa da. Beste aldean, pobrezia tasa handiena dituztenak, Erriberako herriak: Fitero, Castejon, Carcar, Murillo Fruto, Sartaguda, Sesma, Corella, Cascante, Barillas eta Tulebras. Pobrezia tasa %40tik gertukoa da herri horietan.
2021ean 12.000 euro jasotzen zituzten herritarrak hartzen ziren pobrezia egoeran eta hori kontuan hartuta Nafarroan 143.000 herritar zeuden egoera horretan, alegia, 1.000 euroko edo gutxiagoko diru sarrerekin hilean. Emakumeak %23 dira pobrezian.
Pentsioak ordaintzeko lanpostu gehiago behar dira
45.000 langile gehiago beharko lituzke Nafarroak beregain hartzeko pentsioen ordainketa. Gizarte Segurantzaren eskuduntza hartzeko "kalitatezko eta denbora luzerako lanpostuak" sortu beharko lirateke Nafarroan.
