Osasun plataformak salatu duenez, pandemiaren aurretik, osasun-sistema publikoa oso ahulduta zegoen, 2008an hasitako krisiari aurre egiteko formula gisa aplikatutako baliabide publikoen murrizketen eta pribatizazio-estrategien ondorioz. Baina pandemiak osasun-sistema publikoaren krisia areagotu du, eta profesionak eta erabiltzaileak etsipenera eraman ditu. "Behin behinekotasuna handiagoa da, eta murrizketa horiek gehien jasan dituena Oinarrizko Osasun Laguntza izan da", azaldu du Euskalerrian Irratian Lazaro Elizaldek.
Beste osasun sistema bat beharrezkoa dela uste du plataformak, "aurrekontuak bideratuko dituena Osasun departamentura eta, horren barruan, bereziki, Oinarrizko Osasun Laguntzara eta osasun publikoaren alderdietara". Giza baliabideak sendotzea da gakoa Elizalderen iritziz, plantillak sendotzea eta handitzea, murrizketak berreskuratzeko eta lanpostu egonkorra duten profesionalek biztanleria artatu ahal izatea bermatzeko. Modu horretara, arreta presentziala handitzeko eta administrazioko langileak gehitzeko aukera izanen litzateke. Osasunari buruzko Foru Lege berri bat onartzea ezinbestekoa da, plataformaren aburuz. Legegintzaldi honetan ezarri beharko litzatekeela diote, edo "behintzat" ezatabaida zabaldu.
