Nafarroako enpresa zein sortzaileek ekoitzitako sei filme parte hartzen ari dira 36. Goya Sarietan egoteko lasterketan. Eta horiek batera sustatzeko,'Jatorria, Nafarroan / De origen, Navarra' kanpaina jarri dute abian, Nafarroako Gobernuak, Navarra Film Industryk, Nafarroako Ikus-entzunezkoen Klusterrak (Clavna), Nafarroako Ikus-entzunezkoen Ekoizle eta Profesionalen Elkarteak (Napar) eta Navarra Film Commissionek.
'Non Dago Mikel?’, ‘Crónica de una tormenta’, ‘Dardara’, ‘De quijotes y semillas’, ‘Los acordes de la memoria’, eta ‘Surcos’ dira hain zuzen ere azaroaren 29an amaituko den aurre-hautaketa fasera iritsi diren lanak. Espainiako Zine Akademiak banatutako Goya Sarien gala, 2022ko otsailaren 12an izanen da.
Filmeez gain zinemagintzaren zeinbait profesionalek ere ordezkatuko dute Nafarroa:
Nafarroan ere ikus-entzunezkoen industriako profesionalak daude aurre hautagaitza horretan, hainbat kategoriatan; Ana Murugarren (García y García ' lanaren zuzendaria), Andoni Canela (Panteras' filmaren zuzendaria), Marian Fernández Pascal (Koldo Almandoz eta María Elorza Deiasen Quebrantos ' lanaren ekoizlea).
Haiekin bat egiten dute José María Larak (Maru Soloresen 'Aztarnak-Huellas'-en ekoizlea), Mikel Serranok (Iciar Bollainen 'Maixabel '-en arte zuzendaria), Michel Gaztanbidek (Enrique Urbizuren 'Libertad'-en gidoilaria), Aitor Merinok (Fantasía 'ren zuzendaria) eta Amaia Merinok ('Non dago Mikel?'-en zuzendaria).
Gainera, hiru film osorik edo haien zatiren bat Nafarroan filmatu dira eta ere aurrez aukeratuta daude: Mar Targaronaren 'Dos' eta Mariana Barassiren 'Crónica de una Tormenta' eta Alex Gutierrezen 'Natura Bizia'.