Foru Gobernuak, asteazken honetako saioan, adierazpen instituzional bata onartu du, "jaioterritik urrun etorkizun hobea bilatzen duten pertsonentzako Nafarroa harrera-lurralde bihurtzeko bokazioa" agerian uzteko. Adierazpenak, gainera, "aurreiritzi eta xenofobiaren adierazpen publiko edo pribatuak" gaitzesten dituela azpimarratu du, "besteak beste, lan-merkatuan sartzeko eta etxebizitza duin bat lortzeko oztopoak jartzen dituztenak".
Urtero abenduaren 18an (ostiral honetan) ospatzen den Pertsona Migratzaileen Nazioarteko Egunaren harira onartu dute adierazpena. Data hori ospatzeko, Nafarroako Gobernuak, Migrazio Politiken Zuzendaritza Nagusiaren bidez, publiko guztientzako hainbat jarduera prestatu ditu. Streaming bidez jarraitu ahal izango den hitzaldi bat, Maria Txibite Nafarroako presidentea buru izango duen ekitaldi instituzional bat eta bi antzerki emanaldi izango dira: bata Iruñean eta bestea Tuteran.
"Giza eskubideak sustatzen eta errespetatzen ditu"
Gobernuak onartutako adierazpen instituzionalak honako hau nabarmentzen du: "Nafarroak, Europako tradizio onenarekin bat etorriz, pertsona guztien giza eskubideak sustatzen eta errespetatzen ditu, haien jatorrizko nazionalitatea, sexua, etnia, ama-hizkuntza edo administrazio-egoera edozein izanda ere". Hori dela eta, "oinarrizko prestazioak jasotzeko aukera bermatzeko" eta "migratzaileak, migratzaileak izateagatik, diskriminazioaren, esplotazioaren eta bazterketaren aurrean gainerako herritarrak baino ahulagoak ez izateko" konpromisoa agertu du.
Gobernuak nabarmendu du, halaber, "gizarte zibilak eta erakunde sozialek izan duten papera, azken urteotan migratzaileei harrera eta laguntza emateko elkartasun- eta laguntza-sare garrantzitsu bat eratu baitute". Halaber, "migratzaileekin lan estua" mantentzearen alde egin du, Pertsona Migratzaileen Foroan egiten den bezala, "baliabide publikoek haien beharrei modu frogagarrian erantzun diezaieten, eta aldaketa sozial geldiezinetara egokitu daitezen".
Adierazpenak aurten aurkeztutako "Nafarroa koloretan" marka ere gogorarazten du, eta Nafarroa "harrera-lurra" izateko nahiaren sinbolo bihurtu nahi du; "jaioterrian aurkitu ezin duen etorkizun hobea nahi duenarentzat etxe bihurtuko den lurra; kulturen arteko elkarbizitzarako gune seguru bat, non ezberdintasunak balio eta aukera gisa ikusiko diren".
Hitzaldiak, antzerkia eta ekitaldi instituzionala
Hain zuzen ere, Nafarroa koloretan markarekin, Foru Gobernuak, Migrazio Politiken Zuzendaritza Nagusiaren bidez, hainbat jarduera prestatu ditu abenduaren 18 hau, Pertsona Migratzaileen Nazioarteko Eguna, ospatzeko. Osasun-murrizketen egoera berezia dela eta, egintzek telematikoa eta edukiera murriztuak konbinatzen dituzte, jarduerak segurtasun osoz egin ahal izateko.
Hala, Iruñean eta Tuteran antzerki emanaldi bana izango da, eta sarrera doan izango da, aldez aurretik, taularatuko diren instalazioetako leihatiletan jasota. Iruñean, Calambur Teatro konpainiak inprobisazio ikuskizuna eskainiko du 'Impro-visado, retazos de migración' izenburupean, arratsaldeko zazpietatik aurrera Nafarroako Antzerki Eskolan. Sarrera doakoa da, 17:30etik aurrera txarteldegian jaso ondoren, baimendutako gehieneko edukiera bete arte.
Tuteran, bestalde, 'No es país para negros' antzezlana eskainiko dute, ordu berean (19:00), Gaztanbide Antzokian. Iruñean bezala, sarrera librea da lekua bete arte, baina gonbidapena aldez aurretik jaso behar da Gaztanbideko leihatiletan. Kasu honetan, banaketa 18:00etan hasiko da.
Maria Txibite buru duen ekitaldi instituzionala Iruñean izango da, Kondestable Jauregian, 18:00etan. Ekitaldi horretan, "pandemia garaian elkartasuna" erakutsi duten elkarte eta pertsonak omenduko dituzte. Presidenteaz gain, Eduardo Santos Migrazio Politika eta Justizia sailburuak ere parte hartuko du ekitaldian. Ekitaldi instituzional horretarako sarrera osasun arrazoiengatik mugatuta dago eta gonbidapen bidez baino ezingo da sartu.
Gainera, goizeko ordutegian, Chabier Gimeno Monterde Zaragozako Unibertsitateko Gizarte eta Lan Zientzien Fakultateko Psikologia eta Soziologia Saileko irakasle eta ikertzailearen hitzaldia antolatu da. Hitzaldia 'bakarrik dauden gazte migratzaileekin esku hartzea' da. Vladivox San Jorge aretoan egingo den arren, edukiera fisikoa osatzeko, gonbidapena egingo zaie bitartekaritzako ikasle eta profesionalei eta antzeko diziplinei. Hala ere, streaming bidez emitituko da, modu irekian, 10:00etatik aurrera, Civivox kanalaren bidez, Youtuben.
