Navarra Sumak, gainera, Jose Mari Aierdi Lurralde Kohesio kontseilariaren eta Javier Remirez Presidentetza, Berdintasun, Funtzio Publiko eta Barne kontseilariaren agerraldia eskatu du, N-121-A errepidean segurtasuna hobetzeko hartutako neurrien berri eman dezaten. Era berean, Nafarroako Gobernuari errepide hori Belate-Bidasoa autobia bihurtzeko eskatu dio koalizioak.
Navarra Sumak, halaber, Remirezek Foruzaingoaren eta Suhiltzaileen zerbitzuei buruz egindako diagnostikoen berri ematea nahi du; EH Bilduk, berriz, kontseilariak Espainiako Gobernuarekin izandako "desadostasunak eta lortutako akordioa" azaltzea proposatu du, parte-hartze demokratikoari buruzko Foru Legearen harira. Halaber, Itziar Gómez Landa Garapen eta Ingurumen sailburuaren, Klima Aldaketari eta Trantsizio Energetikoari buruzko foru legearen aurreproiektuaren ildo nagusiak azaltzeko, eta Rebeca Esnaola Kultura eta Kirol sailburuaren agerraldiak eskatzea aztertuko da, Kultura Eskubideen Legearen garapenean eta aplikazioan gaur egun dagoen egoerari buruzko informazioa eman dezaten.
Bestalde, honako hauekin lan saioak egitea aurreikusten da: erizaintzako Teknikarien Sindikatuarekin (SAE), Minbiziaren Aurkako Espainiako Elkartearekin (AECC), Munduko Medikuak eta Medicus Mundi elkarteekin; Nafarroako Txile Etxearekin, herrialdeko egungo egoera azal dezan; eta Fiteroko Udalarekin, NA 6900 sarbidean hobekuntzak egiteko beharrari buruzko informazioa eman dezan.