Herritarren% 30ek adierazi du boluntariotza-ekintzetan parte hartzen duela, Nafarroa, Orotan Lagun-ak egindako Nafarroako boluntariotzari buruzko 2019ko azterlanaren aurrerapenean jasotakoaren arabera eta ostegun honetan, hilak 5, Boluntarioen Nazioarteko Eguna dela eta argitaratu da.
Azterlan osoa "Navarra Más Voluntaria/Nafarroa, Orotan Lagun 2018-2020" izeneko Boluntariotzako Ekintza Planean sartuko da, eta 2020. urtean zabalduko da. Bere helburua da aldian-aldian eguneratzen ahal izatea, eta Foru Erkidegoko ekintza boluntarioaren errealitatearen argazki finko bat eskaintzea.
"Soziologia Tailerra" ikerketa-enpresak egindako lan-metodologiari dagokionez, hiru azterketa-talderi telefonoz egindako inkesten bidez garatu da: 16 urtetik gorako biztanleak eta Nafarroako eskualdeetan bizi direnak, Foru Erkidegoan egoitza duten elkarteetan lan egiten duten boluntarioak, eta boluntariotzaren arloan lan egiten duten elkarteak eta gizarte-erakundeak. Guztira 765 elkarrizketa egin dira, urriaren 21etik azaroaren 8ra bitartean egindako landa-lanarekin.
Boluntarioen profila
Aurrerapenak adierazten du boluntarioen batez besteko adina 49 urtekoa dela, eta banaketa antzekoa dela bi sexuetan, nahiz eta generoen arteko aldeak egon eremuen arabera. Hala, ingurumen eta kirol boluntariotzan emakumeen presentzia txikiagoa da, eta hezkuntzaren eta garapenerako lankidetzaren eremuetan, berriz, gizonen presentzia txikiagoa.
Ikasketa-mailari dagokionez, % 62,8k goi-mailako ikasketak du, % 64,5 lanean ari da, eta beste % 22,3a erretiro-egoeran dago. Egoera ekonomikoari dagokionez, boluntario gehienek diote egonkortasun ekonomikoa dutela epe ertain eta luzera, eta interes handia dutela gizarte eta ingurumen-gaiekiko. Boluntariotzan jarraitzeari dagokionez, hamaika urte daramatzate boluntariotzari eta/edo parte-hartze sozialari lotuta, eta, batez beste, 16,6 ordu ematen dituzte hilean boluntariotza-lanetan.
Motibazioei dagokienez, elkartasuna eta ingurunea hobetzea dira kide diren erakundeetan parte hartzeko arrazoi nagusiak. Gainera, % 93,4k erakundean bere lana aintzat hartzen dutela uste du baina neurri txikiagoan, Nafarroako gizartean (% 75,2). Laguntzen duten erakundeak ezagutzeko bide nagusiei dagokienez, familia eta adiskideak dira bitarteko nagusiak.
Prestakuntzari dagokionez, boluntarioek adierazi dute gizarte, ingurumen eta aisialdiko gaietan prestakuntza gehiago jasotzea gustatuko litzaiekeela.
Azkenik, aipatu behar da boluntarioen ehunekoa handiagoa dela Erriberan (Tuteran eta bere Eskualdean izan ezik, batez bestekoaren inguruan baitago) eta Iruñean eta bere Eskualdean.
Boluntariotzako erakundeak
Boluntariotza-erakundeei dagokienez, aurrerapenaren arabera horietako gehienek, % 59,6k hain zuzen, Nafarroa osoan definitzen dutela beren ekintza-esparrua, % 48,2k tokiko eremuan; % 27,2k estatuan; eta % 24,6k nazioartean.
Baliabideei dagokienez, sektore publikotik datorren zatia da boluntariotza-lanak garatzeko euskarri nagusia, % 67,5ekin.
Kontsultatutako erakundeetan boluntariotza, oro har, egonkor mantentzen da denboran zehar, erakundeek berek adierazten dutenez. Zehatzago esanda, % 65,8k uste du bere boluntariotza-taldea osatzen duten pertsonak egonkor mantentzen direla, % 25,4k onartzen du nolabaiteko beherakada eta gorakada dagoela, eta % 8,8k beherakada eta gorakada asko dituztela. Erakundeen % 53,5ek dio boluntario gehiago behar dituela etengabe, eta beste % 23,7k noizean behin behar dituela. Boluntario berriak erakartzeko, erakundeen % 57,2k zailtasunen bat dutela adierazi dute.
Beren jarduera ezagutarazteko eta boluntarioak parte hartzera gonbidatzeko, erakundeek bitartekoak erabiltzen dituzte, hala nola sare sozialak (% 51,8), familia eta adiskideak (% 37,7), hitzaldiak (% 22,8), kartelak edo liburuxkak (% 21,9), komunikabideak (% 20,2) eta Navarra+Voluntaria / Nafarroa, Orotan Lagun (% 18,4).
Azkenik, inkestak bere jarduera eremuan boluntarioen lanak duen aintzatespen sozialari buruz galdetzen zuen: % 54,4rentzat handia da; beste % 45,6ren ustez, aldiz, aintzatespen erregularra, txikia edo oso txikia da.