Jardunean den gobernuak aurkeztu ditu iazko kontuak: 2018an 4.179 milioi euro erabili dira eta aurrekontuaren %95,33 bete da. Hala jaso du Mikel Aranburu Ogasun kontseilariak. Organismo autonomoen, fundazioen eta enpresa publikoen kontuen proiektua da aurkeztu duena eta parlamentura igorri du dokumentazio osoa baita Kontuen Ganberak ikuska dezan ere. "Gastuaren zenbatekoak lehen aldiz gainditu du krisiak ezarritako 4.000 milioi euroen muga eta gasturik hadiena politika sozialetara bideratu da", azaldu du Aranburuk. Nafarroan inbertitzen den dirurik handiena pertsona-gastuetarako erabiltzen da: 1.253,17 milioi euro dira horretarako, alegia, %29.98 eta gastu arruntetarako erabili dira 1.513 milioi euro, %36,22.
Gastu sozialak darama parterik handiena
Politika arloan Hezkuntza, Osasuna, Kulturak eta babes sozialerako aurrekontuek hartu dute parte garrantzitsua: %55,44. Azpiegituretarako eta enpresen laguntzetarako %8,66 bideratu da. Espainiari bideratzen zaion dirua 539 milioi euro dira, zor publikorako 467 milioi euro eta entitate lokaletara 254 milioi euro bideratzen dira.
Arau fiskalak, beteta
Fiskalitateari dagokionez arau guztiak bete direla ere jaso du txostenak. Aurrekontuaren egonkortasunaren legea bete dela nabarmendu du Aranburuk. Superabita adierazten dute gainera 2018ko kontu publikoek: 104,17 milioi eurokoak, Nafarroako Barne Produktu Gorbinaren %0,51 da hori. Zorra 3.421 euroan kokatua da 2018ko abenduan, aurreko urtean baino 186 milioi euro.
