Aitor Agirrezabal: "'Preso guztiak etxera' eskaera ozena izan da Hatortxurock"

Euskalerria Irratia 2017ko uzt. 31a, 09:17

Hiltzeko jaiotako jaialdia da Hatortxurock. Hala diote antolatzaileek. Agirrezabal da horietako bat eta helburua gero eta gertuago ikusten duela esan du. Entzun Hatortxurock 20-ari buruzko balorazioaren elkarrizketa:

1999an ospatu zen lehendabizikoz Hatortxu Rock elkartasun jaialdia, Berriozargo frontoi txiki batean, lau lagunen ekimenez. Bi xederekin: euskal preso politikoek, iheslariek eta deportatuek bizi zuten egoera salatzea, eta dispertsioak kaltetutako senideei gastuak arintzea. Geroztik, jaialdiak bilakaera izugarria izan du. Hazten joan da urterik urte. Hiltzeko jaio zen Hatortxu Rock, baina aurtengoa jada hogeigarren edizioa izan da. Horrek esan nahi du sakabanaketa politikak indarrean segitzen duela eta horregatik jarraitzen dutela Hatortxu antolatzen.

Hori bai, hogeigarren edizioa mugarri izatea nahi dute antolatzaileek. Horregatik, lau eguneko jaialdi erraldoia prestatu dute, marka guztiak apurtu, eta mahai gainean kolpea emateko. Edizio berezi honek Lakuntza izan du egoitza, 2009ko edizioa ere bertan ospatu zen, eta, orduko hartan, jaialdiaren antolatzaileak oso pozik gelditu ziren herritarren erantzunarekin. Bada, oraingoan sentipen bera izaten ari dira. Hala dio, bederen, Aitor Agirrezabalek, Hatortxu Rockeko antolatzaile eta boluntarioetako batek.

6.718 boluntario aritu dira lau egunotan lanean, 84 musika talde izan dira oholtza gainean eta milaka izan dira Lakuntzara elkartasun olatu hori sortzera hurbildu direnak.

Atzo, Hatortxurocken hogeigarren edizioa amaitzear zela hitz egin genuean Euskalerria irratian Aitor Agirrezabalekin. Entzun dezagun: 

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!