Auzitegi Nazioalean gaur izanen da egun erabakiorretako bat: Altsasuko gertaeren ondorioz espetxean diren zazpi gazteek eskatu dute apelazio bidez behin behineko espetxealdia amai dadila. Carmen Lamela epailea ari da auzia segitzen baina apelazioaren erabakia Zuzenbide Penaleko Salak hartu beharko du. Auzian dauden bederatzi gazteen artean zazpi daude kartzelan joan den azaroaren 14az geroztik. Altsasun, urriaren 15ean goizaldeko laurak inguruan izan ziren liskarren ostean "terrorismo delitua" egozten diete.
Carmen Lamela epailearen aurretik pasako dira bihar espetxean diren zazpi gazteak eta beste lau. Herritarrek deialdia egin dute giza katea osatzeko protesta moduan: hamaika auzipetuen etxebizitzak lotuko dituzte jende katearen bitartez elkartasuna helarazi nahian. 20:00etan Iortia plazan hasiko da ekimena.