"D ereduaren zabalpena arrakastatsua izan da; arrakasta da nafar guztiek eskubide berak izatea. Zabaldu da eskubide hori, ez baitugu ahaztu behar eskubide bat dela. D eredua jarri dugu Nafarroa osoan, eta orain libreki gurasoek hautatu ahal dute nahi dutena", ahoan bilorik gabe solas egin du Mendozak, D ereduaren zabalpenaren harira jasotako kritikei erantzunez. Testuingurua ezagutzen duela ere nabarmendu du: "Aintzat hartu behar dugu, Nafarroako toki batzuk nolakoak diren ezagututa, nobedade oso bitxia izan dela -D eredua-. Horregatik, gobernutik gizarteratu behar dugu euskara guztiona dela".
"Aintzat hartu behar dugu, Nafarroako toki batzuk nolakoak diren ezagututa, nobedade oso bitxia izan dela -D eredua-. Horregatik, gobernutik gizarteratu behar dugu euskara guztiona dela".
Nafarroan umeen %17k ikasten dute euskaraz. Zifra apala ote denentz hizpide hartu du kontseilariak. "Kontuan hartu behar dugu azken erabakia gurasoena dela. Zurrunbilo bat dago, eta ematen du haurrak D ereduan sartzea ez dela bakarrik apustu hezitzaile bat, baizik politiko bat, eta hori bereizi behar dugu".
"Ematen du haurrak D ereduan sartzea ez dela bakarrik apustu hezitzaile bat, baizik politiko bat, eta hori bereizi behar dugu"
Hezkuntzako Lan Eskaintza Publikoa. Hori izan da Hezkuntza saileko leitmotiv-etako bat aurten. "Behar genituen tutoreak euskarazko adarretan plaza huts pila dagoelako. Erdarazko ereduetan, superabita izanen dugu hemendik bi urteetara. Jendeak, batzuek nahita, nahastu egin dute gaia".
