Zer da etorkina izatea? Bigarren belaunaldiko haurrak etorkinak dira? Adoptatutakoak? Nazionalitatea ez dutenak?
Ez da kontzeptu defini erraza. Eta, beraz, ñabardura bezainbeste ertz dauzka. Nolanahi ere, atzerritik migratu dutenen datua kaleratu ditu Nafarroako Eskola Kontseiluak, argazki orokorra marraztu nahian: etorkinen %83,7 eskola publikoetan daude; %16,3, berriz, kontzertatuetan.
Gaiak garrantzia daukala uste du Kontseiluak, izan ere, sare publikora joaten diren migratzaileak eskola "gutxi batzuetan" biltzen dira; alegia, ghettoak sortzen ari dira.
Horren aurrean, baliabideak eskatu dituzte hainbat eskolek.
Bestalde, bada beste hari mutur bat: diru publikoz finantzatzen dira, hein batean, eskola kontzertatuak, eta, neurri oso txiki batean erantzuten diote migratu dutenen beharrei.
Nafarroan jaiotako haurren datuei so, erdia sare publikoan dago, eta beste erdia kontzertatuan edo pribatuan. Migratu dutenekin alderatuta, oso bestelakoa da portzentaia.
Baremoa aldatuko balitz?
Une honetan, etxetik gertu dauden zentroetara joaten dira sistema publikoan izena eman duten umeak, eta kontuan izaten da, besteak beste, ea anai-arreben bat daukaten apuntatutako zentroan.
Datorren urteari begira, baremoa aldatzea aztertzen ari da Nafarroako Gobernua, migratzaileak zentro gutxi batzuetan egotea ekiditeko; beti ere, gertutasunaren faktorea lehenetsiko lukete, dena dela. Ez da neurri soila. Izan ere, gatazkatsua da gaia. Orain, bidea egiten duen aztertzea falta da.