II Mundu Gerrari buruzko informazioa biltzen ari naiz egunotan. Gerra hartan juduek nozitu zuten jazarpena ezagutzen nuen. Baita ezkertiarren kontrakoa ere. Askoz ezezagunagoa zitzaidan homosexualen eta Rom herriaren sufrikarioa. Azken horiei buruz askoz gehiago jakin gabe bukatuko dut lana, dagoeneko badakit.
Badakit, baita ere, hiruki arrosa bat ezartzen zietela naziek homosexualei, halaxe sailkatzen zituztela kontzentrazio eremuetan. Hiruki arrosa bat daukat itsatsita etxeko sarrerako kortxoan. Hari begira egon natzaio gaur, beren odola heterosexualena baino zikinagoa ote den ebatzi dutelako Europako epaileek. Hiruki arrosarik erabili gabe, noski; homofobia progre zuriena lagun.
Utikan!