Defendamos la bandera de Navarra/Gurea defenda dezagun. Inork atakatzen ez zuena defendatzera aterako dira karrikara heldu den ekainean. Manifestazioaren dei-egileek izen-abizenik ez dute, baina UPNk 2 ordu ere ez zuen behar izan bat egiten zuela adierazteko. Disimulatzen ere ez dute nekerik hartu. Ez zen Vianako Printzea plazatik urruti egonen deialdia erredaktatu zuen ordenagailua. Gobernutik kanporatu zituztenetik nabarristen estrategia aztertzen lau minutu galdu dituenak bazekien mobilizazioen garaia ailegatuko zela noizbait. Nafarroako Gobernuak euskararen gaineko zorioneko foru dekretua legegintzaldia bukatu baino lehen ateratzea lortzen badu, biharamunerako izanen dugu hurrengo deia. Kalera kalera, borrokalari kalera. Nor ari zaie UPNkoei eskolak ematen? Defendamos la bandera de Navarra/Gurea defenda dezagun. Musika ezaguna dugu. Gurea, ikurriña. Oroitzen zarete?
Gurea
2017ko mai. 10a, 12:12
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!