Programa berri hau D ereduan ikasten duten 7-11 urte (L.H.2-6) bitarteko haurrei zuzenduta dago. Larunblairen helburua hau dugu: eskolatik kanpo haurren arteko harremanak euskaraz izatea, aisialdiko ekintza dibertigarrien bidez. Hori izanen da, hain zuzen ere, horretan trebaturiko monitoreen lana: beraien artean euskaraz egiteko ohituretan eragitea.
Jarduera larunbatetan izanen da (16:30-18:30 ordutegian) eta bi talde antolatuko dira: bat Artika eta beste bat Berriobeiti. Txandaka eginen dira: larunbat batean Artikan eta hurrengoan Berriobeitin). Haurrek aukera izanen dute horietako batean parte hartzeko edo, nahi duena, bietan.
Urte osoko kuota 30€ dira talde batean izena emanez gero eta 60€ bi taldetan izena emanez gero.
Izena emateko: irailaren 25etik 29ra, Euskara Zerbitzuan, fitxa hau Udaletxean aurkezturik; telefonoz (634 515 384) edo emailez (euskara@berriobeiti.eus).
