Aita, zergatik zauritzen dituzu amuarrainak?
Aita, zergatik torturatzen dituzu amuarrainak?
Aita, zergatik ez dituzu bakean uzten erreketako biztanleak?
Eta nik ezin dut erantzun ganoraz. Ezin erantzun koherentzia pitzatu gabe. Kontraesanen altzotan ari naiz dantzan eta hurrengo belaunaldiak badaki. Ez dute errukirik. "Harrapatu zaitut, aita", "honendako ez daukazu argudiorik, ezta?".
Bai harrapatu naute. Eta halere, ez nago prest, oraindik orain, arrantza uzteko. Nire buruari erraten diot: ez daukazu bertze biziorik... Horri ere uko eginen diozu?
Eta horrela pasatzen dira egunak. Horrela badoa bizitza. Bagoaz.