Otsailean hasiko dira ikastetxeak datozen ikasturtetik aurrera zer nolako jardunaldi mota duten ezartzeko prozesuarekin. Bozketan izanen dira tartean. Eskola kontseiluak, irakasleen klaustroak eta familiek ere eman beharko dute euren nahiaren berri botazioetan. Steilas sindikatuak errekurtsoa jarriko dio ikastetxeetako eskola-jarunaldi motak arautzen dituen Foru Aginduaren aurka hiru arrazoi nagusirengatik: bozketetan eskatzen ari diren gehiengoengatik izanen da lehena; eskola Kontseiluari ebatzi egiten zaiolako erabakitzeko eskumena eta irakasle klaustoari bozketa aholku-emailea baino ez delako izanen bigarrena eta seigarren ordua ezartzeko aukera eskaintzen duelako. Angela Campo Steilas sindikatuko kideak esan du "irakasleei erabakitzeko ahalmena" kentzen zaiela ez delako euren iritzia lotesle izanen. Hezkuntza Departamentua "azpikeriaz" eta "baliteke legez kanpo ere" jokatzen aritzea Steilas sindikatuko kideen esanetan.
Gogorarazi nahi izan du Steilasek hiru eskola jardunaldi motek kontziliazio neurriak jasotzen dituztela eta haurrak lau terdietan jasotzen ahal direla kasu guztietan. "Ikastordu gehiago izan ordez, aisialdirako bestelako moldeak garatu eta sustatu beharko liratekeela uste dugu", esan du sindikatuko kide Aitor Lakak.
