Errausketa kopuruak gora egiten jarraitzen du urtero eta gaur egun 10 hileta-zerbitzutik 8 errausketak dira. Hala ondorioztatzen da Iruñeko San José udal-hilerriak jasotako datuetatik, zeinak urtarriletik irailera bitarte 2.200 zerbitzu egin baititu. Zerbitzu horietatik % 82,29 errausketak izan ziren eta % 17,71 ehorzketak. Lehen aldiz errausketak % 80 baino gehiago dira. Izan ere, kopuru hori duela hamar urte erregistratutakoa baino askoz handiagoa da. Orduan, errausketak udal-hilerriko hileta-zerbitzu guztien % 69,4a ziren, eta iazko urte osokoa baino handiagoa ere bada, % 78,18 izan baitziren.
Guztira, irailaren 30era arte, 1.826 errausketa egin ziren. Ehorzketak, beraz, 394 izan ziren. Azken horietatik, gehienak, 240, horma-hilobietan egin ziren. Horiei gehitu behar zaizkie 135 ehorzketa panteoietan eta 19 lurreko hobietan. Hiru kasu horietan kopuruak pixkanaka murriztu dira. Agian murrizketa deigarrienak horma-hilobietan eman dira, egun duela hamabost urte zirenen ia erdia baitira. 2007an 695 ehorzketa egin baziren horma-hilobietan, 2022an 383 egin ziren (% 45 gutxiago), eta aurtengo lehen bederatzi hilabeteetan 240 egin dira. Panteoien kasuan, denbora-tarte berean, 2007tik 2022ra, murrizketa neurrizkoagoa izan da, % 20 baino ez, 244 hobitik 197ra igaro baita. Lurreko hobiei dagokienez, horiek % 18 murriztu dira hamabost urtetan. Hala ere, ehorzketa mota hori ez da hain ohikoa.
Gero eta handiagoa den errausketa eskariari erantzuteko, Iruñeko Udalak 2021ean bi errausketa-labeak mailaka berritzen hasi zen, energia eraginkortasuna eta produktibitatea hobetzeko, aurretik zeudenak XX. mendearen hasierakoak baitziren. Hala, udaberri honetan labe berriak berriz ere abian jarri ziren, errausketa kopurua handitzea ahalbidetuz. Bigarren labea berritzeko (2022ko abuztuan onetsi zen berritzea), 298.140,66 euroko inbertsioa egin behar izan da 2022tik 2023ra, eta horiei ordezkatutako lehen labearen 337.012 euroak eta bi elementuak jartzeko egin behar izan den obra zibila gehitu behar zaizkie.
Inbertsio horrez gain, San José udal-hilerrian hondatutako bi nitxo-bloke konpondu dira azken urtean, eta kanposantuaren zoladuraren zati bat eraberritu dira; 85.000 euro bideratu dira horretara. Era berean, hainbat lan egin dira sarrera nagusiko arkupea eta ibai aldeko ateko arkupea konpontzeko, bai eta alboetako ate metalikoak aldatzeko ere; hori guztia 40.000 euroan.
Domu Santuen eguneko hilerriko ordutegia
Domu Santuen eguna dela eta, azaroaren 1ean, hilerrira bertaratuko diren bisitarien kopuruak gora eginen duela kontuan hartuta, ate nagusia azaroaren 2ra arte udako ordutegian egonen da zabalik, 08:00etatik 19:00etara, eta gainontzeko ateak 18:30ean itxiko dira. Azaroaren 3tik aurrera, eta martxoaren 31ra bitarte, neguko ordutegia sartuko da indarrean, eta hartara, ate nagusia 18:00etan itxiko da, eta gainerako ateak 17:30ean.
Hilerriari buruzko datuak
|
|
Errausketak |
Horma-hilobiak |
Panteoiak |
Lurreko hobiak |
Guztira |
|
2006 |
969 |
739 |
229 |
38 |
1.975 |
|
2007 |
1.181 |
695 |
244 |
35 |
2.155 |
|
2008 |
1.263 |
632 |
221 |
37 |
2.153 |
|
2009 |
1.346 |
622 |
245 |
30 |
2.244 |
|
2010 |
1.336 |
534 |
218 |
29 |
2.117 |
|
2011 |
1.440 |
560 |
220 |
17 |
2.237 |
|
2012 |
1.500 |
510 |
197 |
20 |
2.227 |
|
2013 |
1.568 |
481 |
189 |
19 |
2.257 |
|
2014 |
1.786 |
500 |
234 |
20 |
2.540 |
|
2015 |
1.888 |
457 |
214 |
15 |
2.573 |
|
2016 |
2.078 |
427 |
184 |
8 |
2.697 |
|
2017 |
2.033 |
435 |
183 |
24 |
2.675 |
|
2018 |
2.171 |
420 |
180 |
32 |
2.803 |
|
2019 |
2.162 |
363 |
191 |
37 |
2.753 |
|
2020 |
2.402 |
466 |
218 |
46 |
3.132 |
|
2021 |
2.072 |
364 |
198 |
33 |
2.667 |
|
2022 |
2.182 |
383 |
197 |
29 |
2.791 |
|
2023 (irailaren 30era bitarte) |
1.826 |
240 |
135 |
19 |
2.220 |
