Udalbiltzak 2002. urtean, Euskal Herriko udalerrien arteko senidetze hitzarmenak bultzatzen dituen Hurbiltzen izeneko egitasmoa sortu zuen. Euskal Herriko herrien arteko senidetzeen inguruan sortutako ekimenak baliatu eta dimentsio berri bat eman nahi dio oraingoan. Helburu horrekin, indarrean dauden herrien arteko senidetzeei nazio mailako dimentsio politikoa eman eta nazio eraikuntzan txertatu nahi ditu.
Hurbiltzen, Udalbiltza Partzuergoak maila lokaleko senidetzeak sustatzeko eta garatzeko sortu zuen programa da, gizarte kohesioa indartzea helburu duena. Urte hasieran Hurbiltzen programa definitzeko batzorde teknikoa osatu zen hainbat aditu, hautetsi eta elkarterekin batera, orain arte egindako lana kontuan hartuz. Uharteko Jardunaldiotan, hain zuzen, egindako lan horren ondorio nagusiak aurkezteko asmoa dago.
Hona hemen egitarau osoa:
9:30 Harrera
10:00 Alfredo J. Arruiz Sotés Uharteko Alkatearen agurra.
10:10 Egitasmoaren aurkezpena [Xebax Christy Hazparneko hautetsia eta Udalbiltzako Batzorde Eragileko kidea].
10:20 Aurkezpen teorikoa: Senidetzeen garrantzia kohesioa indartzeko. Tresnak eta araudia.
10:40 Herrietako esperientziak:
Antzuola-Aiherra [Beñardo Kortabarria Olabarria Antzuolako alkatea].
Uztaritze-Tolosa
Baiona-Iruñea [Maitena Urmeneta, senidetze batzordeko eta Hurbiltzen batzordeko kidea].
11:30 Irlandako kasua: Castlebar herriaren senidetze hitzarmenak
12:10 MAHAI INGURUA: Senidetzeak Euskal Herrian. Aukerak eta erronkak.
- Helburuak, lurralde kohesioa, eragile eta erakundeen arteko elkarlana[Xabier Albizu, Iparra Hegoa].
- Orain arteko diagnosia [Xebax Christy].
- Irizpideak eta plangintza [Aitor Bereziartua Azpeitiko zinegotzia].
12:40 Luntxa
14:00 MAHAIN-INGURUA: Senidetzeak garatzeko metodologia. Aliatuak, laguntzak, esparruak.
- Ideia berriak :
- 4 Uharteak Hurbiltzen [Juan Mari Feliu Uharteko zinegotzia].
- Itsasu-Etxauri: gereziaren inguruko lanketa [Irene Antona eta Leire Elizagarai, senidetze batzordeko kideak].
- Erakunde publikoen programa eta laguntzak [Errukane Aperribai Garaia, Ekai Center Fundazioko kidea] .
15:00 Lanketa taldeetan: Udalbiltzaren funtzioa senidetzeen garapenean eta muga-gaindiko proiektuetan.
15:45 Hausnarketen aurkezpena