“Iriarte alkatearen adreiluekiko obsesioa nagusitu da legealdi honetan Zizurren. Berak bultzatuko hirigintza planek auzo berri oso bat, Ardoi, bazterrean utzi dute”. Hori da Saizek bere hautagaitzaren aurkezpenean adierazi zuena joan den ostiralean. Honen aurrean berak proposatzen duena da Ardoi herriarekin lotzea barneko garraio publikoa sustatuz. Honetaz gain haur eskola eta mediku kontsultategi berriak zabaltzeko asmoa ezagutarazi du.
Bestalde, Santa Cruz eremuaren biziberritzea, bertako merkataritza bultzatzea, ludoteka eta kirol instalazioak berritzea eta enplegu plana abiaraztea dira bere proposamenak.
Hautagaiaren biografia
José Angel Saiz Arangurenek 50 urte ditu. Filosofian eta Hezkuntza Zientzietan doktorea, eskola bitartekaria eta filosofía irakaslea da Zizur Nagusiko institutuan. Haurrentzako Nazioarteko Filosofia Gunean Nafarroako ordezkaria da eta ohiko iritzi emale hainbat komunikabidetan.
Bilduko eleduna izan da Zizurko Udalean legealdi honetan. Aspaldidanik herri, kultur eta kirol ekimenei lotua dago. Azken hamabi urteotan Ardoi Futbol Taldeko presidentea da.