Alkateak berriro esan du Foru Gobernua prestatzen ari den tokiko finantzazio sistema berriaren aurka dagoela. Nolanahi ere, parlamentuko talde guztiak daude erreforma horren alde, Navarra Suma izan ezik.Testuinguru horretan, iragarri du Iruñeko Udalak komunikazio kanpaina bat jarriko duela abian Iruñea Nafarroako hiriburua dela defendatzeko. Izan ere, Maiaren arabera, Iruñearen hiriburu izaera arriskuan dago, Maria Txibite lehendakariak eta EH Bilduko Adolfo Araizekin loturiko akordioaren poderioz.
Kanpainaren leloa “Pamplona es capital” izanen dela aurreratu du UPNko agintariak. Bistan denez, zentzu bikoitza dauka; izan ere, Iruñea hiriburua dela esan nahi du, baina baita garrantzi handikoa dela ere. Alkateak ez du argitu zenbat ditru bideratuko duten ekimen horretara, baina formatu guztietan izango dela ziurtatu du, eta herritarrei informazioa helaraziko zaiela.
"Alkate honek eta gobernu-talde osoak gure eskubideak behar diren punturaino defendatuko ditugu", ziurtatu du, "gai larria" delako.
Lan talde bat nahi du
Maiak azpimarratu du beharrezkoa dela lantalde bat sortzea Udalaren eta Nafarroako Gobernuaren artean, indargabetutako Hiriburutzaren Kartaren ondoriozko finantziaziorik ezak udalak bertan behera utzi beharko lituzkeen eskumenak zehazteko, eta eskumen horien kostuak nola ordainduko liratekeen argitzeko.
"Hiriburutzaren kartak ez du soilik garrantzi ekonomikoa. Arlo ekonomikoa arlo instituzionalaren ondorioa da. Baina indargabetzearen larritasuna Iruñeari egindako hutsunean; paper bat usurpatzea, estatus berezi bat; aurrekaririk gabeko erasoa da duela 25 urtetik Iruñeari ", azaldu du Maiak.
Hiriburutzaren Gutuna indargabetzeak "udalaren eta gobernuaren arteko harremanen etorkizunean josteko zaila den arrakala" sortzen duela uste du, baina alkateak argitu du "Iruñea solidarioa izan dela, dela eta izango dela".
Alkateak Maria Txibite Nafarroako Gobernuko lehendakariari bidalitako bi gutunak aipatu ditu, Hiriburutzaren Gutuna indargabetzearen ondorioei heltzeko organo komun bat sortzeko beharra azpimarratuz.
Lehenengo gutunari Txibitek erantzun zion organo hori martxan jartzea ez zela bidezkoa esanez. Bigarrenak ez du erantzunik izan oraingoz. Bigarren gutun horretan, Nafarroako Gobernuari eskatzen zitzaion bere gain har zezala Udalak orain arte eskaintzen dituen zerbitzu delegatuen, jarduera desegokien edo neurriz gaineko zerbitzuen kostua, eta finantzaketarik gabe geratuko direla, Hiriburutzaren Gutunik ez dutelako.
Mayaren esanetan, Iruñeak 6 milioi euro inguru utziko dizkio zuzenean eta zeharka jasotzeari, parlamentuak ostegun honetan hiriburutza-gutunaren amaiera baimentzen badu, baina ohartarazi du iruindarren zergek ez dutela balio izango gobernuari eskumen jakin batzuk doan emateko.
