Auzitegi Goreneko Laugarren Salako Osoko Bilkurak adierazi du enpresa kontratistak ematen zuen zerbitzu publiko bat xurgatzen duen Udalak transferitutako langileen kontratu-baldintzak errespetatu behar dituela, horien artean lan-kontratuen izaera finkoa. Baztertu egin du itzulketa-kasu horrek langile mugagabe ez-finkoen figura aplikatzea dakarrenik.
Joan den urtarrilaren 26an egindako osoko bilkuran, Auzitegi Goreneko Laugarren Salak bost gai ebatzi ditu, Iruñeko Udalak etxez etxeko laguntza-zerbitzua ematea zuzenean bere gain hartzea erabaki zuelako. Udalbatzak lan-kontratuetan subrogatzea onartu zuen, baina ohartarazi zuen ezin zuela aurretik zegoen finkotasuna aitortu, ez baitzuten enplegu publiko bat lortzeko probarik gainditu, eta langile mugagabe ez-finkotzat (FINP) jo behar zen.
Auzitegi Gorenaren erabakia, aho batez hartua, epaiek luze garatutako bi argudio-ildotan oinarritzen da: Subrogazioaren kontzeptuak berak zein erregulazioak, Europar Batasuneko arauen babesean barne, enplegatzaile berria izaera finkoko lan-harremanetan subrogatzea eskatzen dutela, baldintza hori aldatu gabe eta FINP kategoria ez dela egokia aurreko ondorioaren eta konstituzio-eskakizunen arteko gatazkak konpontzeko, printzipio jakin batzuk errespetatuz.
Horrela, administrazio publiko bat, enpresa eskualdatzearen bidez, izaera finkoa zuen lan-kontratu batean subrogatzen denean, izaera horri eutsi behar zaio.
