Nafarroako Gobernuak 2022rako Aurrekontu Orokorren aurreproiektua onartu du
eta 5.273 milioi eurokoa gastua aurreikusten du. Aurreko urtean baino % 8,27 gehiago handitu da beraz muga, eta 4.767 milioikoa gastu ez-finantzarioan aurreikustako kopurua.
"Herritarren aurrekontuak" direla azpimarratu du Elma Saiz Ogasun kontseilariak, berreskurapenaren aurrekontu hauetan %54a esparru sozialera bideratuko delako. Gainera, aurten aurrekontuen aurreproiektuak Europatik datozen funtsak jasotzen ditu: 73 milioi inguru REACT funtsetik eratorriak eta 88,5 Berreskuratze eta Erresilientzia Mekanismotik.
Azken kasu horretan, "plan honetatik datorren zenbatekoa pixkanaka handitzen joango da, eta jasotzen den heinean aurrekontuaren zati izatera pasako da" azaldu dute Foru agintariek.
Elma Saizek azpimarratu du beharrezkoa dela 2022ko aurrekontuak aurrera ateratzea, "Nafarroako susperraldi ekonomikoaren zutabeak finkatzeko deia egiten duten kontuak direlako". Zentzu horretan, Saizek aurreproiektu honetan Nafarroako Gobernuak eta EH Bilduk atzo iragarritako aurreakordioaren ildo nagusiak aurreratu ditu, zehaztapen gutxirekin, azalduta Txibiteren exekutiboak "garrantzitsutzat jotzen zituen zenbait jarduera-ildo indartzeko orduan" etorri direla elkarguneak, tartean "Lurralde Kohesio, Osasun, Gizarte Eskubide edo Hezkuntza arloetan".
Oraindik ere geratzen dira hainbat desadostasun kudeatzeko, tartean fiskalitatea, EH Bildu, eta Chiviteren gobernu bazkide zenbaitek ere, motzegia, laburregia geratzen dela uste baitute. Eztabaida hori parlamentuan emango da azaroan eta abenduan, zerga-erreformaren eta aurrekontuen proiektuaren lanketarekin.
