Intolerantziaren aurrean erresistentzia transmarika bi bollo, saretuak borrokan eta harro. Lelo horren pean egin zute manifestazioa Iruñeko kaleetatik, E28J plataformak antolatuta.
Lesbiana, gay, trans, bisexual, intersexual, queer eta normatiboak ez diren gainerako sexu eta genero aniztasunen eskubideen defentsa egiteko hartu dituzte kaleak.
"Iluntasuna eta zurruntasuna", nahi dutenen aurrean, "aniztasuna ikusgarri" egin nahi du kolektiboak, eta inoiz baino beharrezkoagoa dela uste du.
LGTBIQ+ pertsonan lehen lerroan jarri nahi dituzte; hori dela eta, ez dute alderdien mezurik nahi izan manifestazioa bitartean. Espainiako trans legearen itzalpean iritsi da aurten harrotasunaren eguna, eskuinaren erasoen eta feminismoen barruko iritzi kontrajarrien erdian.
Iruñean, gainera, Harrotu zentroaren murrizketaren ondotik, 2023ra arte sinatu du Iruñeko Udalak zerbitzuaren mantentzea, baina murrizketekin, PSNren eta Navarra Sumaren akordioaren ondotik: arta sexologiko eta juridikoa kenduko dituzte.
Erakundeak ondoan eduki dituzten arren, oztopoak etengabekoak dira: Iruñeko Udalak diru partida bat gordea duen arren, mugak topatu ditu plataformak jarduerak antolatzerakoan.