2021-2022 ikasturteak aldaketak ekarriko ditu Nafarroako Unibertsitate Publikora, euskarari dagokionez. Gizarte laneko eta soziologiako sailak NUP-eko euskara taldeari jakinarazi dionez, aurtengoarekin alderatuz bost ikasgai gehiago eskainiko dituzte euskaraz gizarte laneko graduan. Guztira hogei izanen dira euskaraz jaso ahalko diren eskolak: lehenengo mailako guztiak, bigarren mailan hiru izanen dira, hirugarrenean, hiru (aurreko ikasturtean baino bi gehiago) eta laugarrenean, bat (aurrekoa ikasturtean baino bat gehiago).
Unibertsitateak, gainera, euskarazko profila duten bi plazen deialdia zabalduko du eta euskarazko irakaskuntzaren inguruko lantaldea sortuko dute.
Aldaketa "pausu txiki bat" izanen dela ohartarazi du NUP-eko euskara taldeak, unibertsitate publikoak eskaintzen duen gradu batean baino ez delako euskararen presentzia handituko.
NUP-eko euskara taldeak txosten bat osatu berri du, euskarak unibertsitatean duen tokia aztertzeko. Unibertsitate publikoko ikasle euskaldunek konpromiso gehiago eskatu diote zuzendaritzari eta euskara plan berri bat sortu dezala, ikasle euskaldunak geroz eta gehiago diren arren, euskararen eskaintza urria dela ondorioztatu baitute.
Adi!
— NUPeko Euskara Taldea (@Euskarataldea) June 2, 2021
Batzutan berri onekin gatoz!
Gizarte laneko eta soziologiako sailak jakinarazi digunaren arabera, datorren ikasturtean, gizarte laneko graduan:
????+5 ikasgai euskaraz
????Euskarazko profila duten 2 plazen deialdia.
????Euskarazko irakaskuntzaren inguruko lantaldearen sorrera pic.twitter.com/LQk3g2czLP
Ekainaren 11an hasiko da NUP-eko graduetan aurreinskripzioa egiteko epea.
