Bigarren kolpe judiziala jaso du Navarra Sumak, euskara baztertzeagatik

Euskalerria Irratia 2020ko abu. 27a, 07:57

2020ko egutegia bi euskarritan (gaztelaniaz eta euskaraz) argitaratzea "zuzenbidearen aurkakoa" dela ebatzi du Nafarroako Administrazio Auzitegiak. EH Bilduren errekurtsoa aintzat du auzitegiak.

Nafarroako Administrazio Auzitegiak onartu egin du Joseba Asironek, EH Bilduren udal taldeko bozeramaileak, aurkeztutako gora jotzeko errekurtsoa, eta baliogabetu egin du "zuzenbidearen aurkakoa izateagatik" 2020ko udal egutegiaren edizioa. 2019ko abenduaren 19an eta 20an banatu zuten eta hizkuntzen araberako bi euskarri ezberdinetan egina zegoen. Aurreko legegintzaldian, ordea, egutegi elebidun bakarra banatu zen, euskara eta gaztelania uztartuz. Navarra Sumak euskarari lotuta udan jaso duen bigarren kolpe judiziala da. Aurrekoa uztailean izan zen: Udaleko sare sozialetarako gaztelania eta euskara profil desberdinak sortzea "zuzenbidearen aurkakoa" zela ondorioztatu zuen auzitegiak.

Epaimahaiak ebatzi duenez, bi euskarri ezberdinetan argitaratzea aurreko Gobernu Taldeak 2019an onartu zuen Euskararen Ordenantzan jasotako elebitasunaren aurka joango litzateke, eta, errekurtsogilearen arabera, "jardun hori egin zen unean indarrean zegoen". Baina, gainera, bere ebazpenean, epaileak ulertzen du 2020ko udal ordenantza dela aplikatekoa. Horren arabera,  euskarri bakarreko gaztelania-euskara elebitasunaren salbuespen bakarra aurreikusten du: argitalpenak bolumen handikoak izatea. Egutegia hilero orrialde bakar bat betetzen duen liburukia izanik, epaileak dio udalak egutegiaren eredu bakar bat argitaratzu behar zuela, gaztelaniaz eta euskaraz aldi berean idatzita.

Bere alegazioetan, Udalak argudiatzen du egutegi baten erabilgarritasuna honako honetan datzala: hirugarren adinekoek santutegia eta jaiak ezagutzea eta tarte zabala izatea, agenda gisa. Elebitasunak aukera hori baztertzen duela dio Navarra Sumak. Bi egutegi desberdin argitaratzeak "2.000 euro gehigarri baino gehixeagoko gastua" ekarri zion udalari, "bi euskarrien maketazio eta diseinu" kontzeptuan. Hala, iazko egutegiaren faktura 10.647 eurokoa izan zen, eta 2019koa 12.853,09 eurokoa.

Ebazpena, zeinaren aurka errekurtsoa jar daitekeen, espero izatekoa da jarraipena izan dezakeela etorkizuneko irizpenetan; izan ere, beste hainbat daude ildo beretik jotzeke.

Ebazteke dauden errekurtsoak

Ebazteke daude EH Bilduk aurkeztutako beste berraztertze-errekurtso batzuk, Navarra Sumak Udalean Euskararen Ordenantzaren antzeko "ez-betetzeak" direla eta. Hala, udaletxeko fatxadako zapi erraldoiaren gaztelaniazko esloganaren aurka eta Los Viviremos kartel erraldoiaren aurka (biak uztailaren 20an aurkeztuak), eta Txantreako kaleak berrurbanizatzeko lanen karteldegiaren aurka (hau ere birjartzekoa, uztailaren 28koa).

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!